Htoo Aung Wint

အမေအရင်းနှင့် တစ်ခဏ             ကိုတင်ထွန်း ပြန်သွားပြီးနောက် အမေအရင်း ဒေါ်မြသီက ကျွန်တော့်ကို ဆက်သွယ်လာသည်။ “ ကျွန်တော်ကသာ ခွင့်ပြုလျှင် လာတွေ့ချင်ပါသည် ” တဲ့။ ကိုယ့်ကို မွေးထုတ်ပေးလိုက်သော အမေက တွေ့ချင်သည်ဆိုသောအခါ ကျွန်တော့်အနေဖြင့် စဉ်းစားရကျပ်လာသည်။ ဝမ်းလည်း ဝမ်းနည်းမိသည်။ အမေက ထိုသို့ခွင့်တောင်းခြင်းမှာ ကိုတင်ထွန်းနှင့်တွေ့စဉ်က ကျွန်တော်ပြောလိုက်သော ကျွန်တော့်သဘောထားတချို့ကြောင့် ဖြစ်မည်ထင်သည်။ အမှန်အတိုင်းပြောလျှင် အမေက ကျွန်တော်တို့ကို စွန့်ပစ်ခဲ့သည်ဟုပဲ စွဲနေသေးသည်။ အကြောင်းရင်းမှန် သိခဲ့သော်လည်း ရင်ထဲတွင် စွဲသွားသည့် ခြစ်ရာကလေးကို မဖျောက်နိုင်သေးသဖြင့် ခံစားချက်ကို ကိုတင်ထွန်းအား ပြောပြဖြစ်ခဲ့သည်။ ထို့ကြောင့်ပင် သူ့ကို တွေ့ရန်မှာလည်း တထင့်ထင့် ဖြစ်ရသည်။

(6) Preposition (ဝိဘတ်)             Preposition သည် နေရာ၏ရှေ့တွင်ရှိသော စကားလုံး၊ နေရာပြပုဒ် ဖြစ်သည်။ Pre နှင့် Position ကို‌ ပေါင်းထားခြင်းဖြစ်သည်။

ညီအစ်ကိုနှစ်ယောက် တွေ့ကြခြင်း             ကျွန်တော်တို့ ညီအစ်ကိုနှစ်ယောက် အသက် ၂၀ ရောက်မှာ ပြန်လည်တွေ့ကြသည့်နေ့က ပြင်ဦးလွင် စစ်တက္ကသိုလ်ဝင်းအတွင်းရှိ ဗိုလ်လောင်းကုန်းဆင်းမှာ ဖြစ်သည်။ ကိုတင်ထွန်းက ပြင်ဦးလွင်ကို ဆာဗေးလာဆင်းသည့်အချိန် ဒီဇင်ဘာလဖြစ်သည်။ ဗိုလ်လောင်းကုန်းက ဆင်းသောလမ်းတစ်လျှောက် ချယ်ရီပင်တွေက လှိုင်လှိုင်ပွင့်နေသည်။ ကျွန်တော်က ဗိုလ်လောင်းကုန်းပေါ်မှ အဆင်း၊ ကိုတင်ထွန်းက အတက်၊ လမ်းလယ်တွင် နှစ်ယောက်သား မျက်နှာချင်းဆိုင် တွေ့ခဲ့ကြသည်။ တစ်ယောက်နှင့် တစ်ယောက် တွေ့ချိန်တွင် နှစ်ယောက်စလုံး ရင်ခုန်နေကြသည်ဟုပဲ မှတ်မိသည်။ ထိုစဉ်က ခံစားမှုကို အခုလို နှစ်ပေါင်းများစွာ ကြာသည့်အချိန်တွင် ဖြစ်စဉ်အသေးစိတ်ကိုမူ သတိမရတော့။ မှတ်မိတာ နှစ်ခုတော့ရှိသည်။ သူက ကျွန်တော့်ကို သေသေချာချာကြည့်သလို ကျွန်တော်ကလည်း သူ့ကို ခြေဆုံးခေါင်းဆုံး ကြည့်လိုက်သည်။ ပြီးတော့မှ နှစ်ယောက်သား အသံတစ်ပြိုင်တည်း ထွက်သွားခဲ့သည်။

(5) Adverb (ကြိယာဝိသေသန) (၂) (1)Adverb of Time (အချိန်ပြ ကြိယာဝိသေသန) E.g. yet, yesterday, today, tonight, tomorrow, then, last year, now, soon, early, later, already, etc.

  ညီအစ်ကို တွေ့ဆုံရေး(၂) “ ဟာ ကိုစိုးဝင်း၊ ဘယ်လိုလုပ်ပြီး ဆေးရုံရောက်နေတာလဲ ”             ကိုတင်ထွန်းကို ကျွန်တော်နှင့် လူမှားပြီး နှုတ်ဆက်လိုက်ခြင်း ဖြစ်သည်။ စစ်တက္ကသိုလ်တွင် နေ့ရောညပါ အတူနေကြရသည့် သူတို့က ကျွန်တော်ဟုထင်ကာ အမှတ်တမဲ့ မှားနှုတ်ဆက်လိုက်သည်ဟု ထင်သည်။ ထိုအချက်သည် ကျွန်တော်နှင့် ကုတင်ထွန်းတို့ ပြန်ဆုံစေရန် အဓိကကျသော အကြောင်းဖြစ်လာသည်။ ထိုအချိန်တွင် ကိုတင်ထွန်းက သူ့တွင် အစ်ကိုတစ်ယောက် ရှိနေမှန်း သိထားပြီးဖြစ်သည်။

(5) Adverb (ကြိယာဝိသေသန) (၁) ကြိယာကို အထူးပြုသည့် စကားလုံးဖြစ်သည်။ ကြိယာကိုအထူးပြုသည့်အပြင် နာမဝိသေသနနှင့် ကြိယာဝိသေသနတို့ကို ထပ်၍ အထူးပြုနိုင်သေးသည်။ ထို့ပြင်  ဝါကျ အစိတ်အပိုင်းကိုသာမက ဝါကျတစ်ခုလုံး ကိုပါ အထူးပြု၍ ရနိုင်သည်။

ညီအစ်ကို တွေ့ဆုံရေး(၁)             ကျွန်တော် စစ်တက္ကသိုလ်ရောက်တော့ အောင်ဆန်းတပ်ခွဲ တပ်စု (၁၀)မှာ နေရာရသည်။ တပ်စု (၁၀)သည် အနော်ရထာတပ်ခွဲ အဆောင်များနှင့် နီးသဖြင့် အနော်ရထာတပ်ခွဲတွင် ရှိသော ကိုတင်အောင်မြင့်ဦး (ယခု ဒုတိယ သမ္မတ(ငြိမ်း)) နှင့် တွေ့ရသည်။ တောင်ကြီးသား။ လူပုံက ခပ်ချောချောနှင့်။ သူက တောင်ကြီး အထက (၁)ကနေ ဆယ်တန်းအောင်ပြီး စစ်တက္ကသိုလ်ရောက်လာသူ ဖြစ်သည်။ ကိုတင်ထွန်းနှင့် သူက တစ်ကျောင်းတည်းသား ဖြစ်သည်။             ကျွန်တော်နှင့် ခင်မင်သွားသောအခါ

4. Verb (ကြိယာ)  (၉) (6) Transitive and Intransitive Verbs             Transitive Verbs များသည် ကံလိုကြိယာ ဖြစ်သည်။ Intransitive Verbs များသည် ကံမလို ကြိယာဖြစ်သည်။ Transitive Verbs များ၏နောက်တွင် (Direct Object) လိုက်ရပါသည်။

အမေဒေါ်သိန်းကြည်၏ ချစ်ပုံ(၂) “ဟေ့ကောင် စိုးဝင်း၊ ဟိုမှာ မင်းအမေလိုက်လာတယ် ” ဟု ပြောတော့ လှမ်းကြည့်လိုက်သည်။ သင်္ဘောဆိပ်နှင့် အိမ်အကြား သဲသောင်ပြင်နေပူကျဲကျဲထဲမှာ ဖုန်တထောင်းထောင်းနဲ့ ထဘီစွန်တောင်ဆွဲလို့ အော်ပြီးပြေးလာသည့် အမေ့ကို တွေ့လိုက်ရသည်။ ကျွန်တော်လည်း အိမ်ပေါ်က ပြေးဆင်းကာ အမေ့ထံ “ အမေ ” ဟု အော်ပြီးပြေးသည်။ သည်ကနေ့ခေတ် ရုပ်ရှင်များလို အနှေးပြကွက်ဖြင့်ပြလျှင် အတော်လေး ရင်နင့်စရာကောင်းနေပါလိမ့်မည်။ အမေနှင့် ကျွန်တော်တို့နှစ်ယောက်သား နေပူကျဲကျဲ ဖုန်တလုံးလုံးနှင့် ပြေးကြပြီး