Htoo Aung Wint

Stop and Start Stop! I can't do it. Start! I can do it. Today is better than yesterday! Htoo Aung Wint

တရားဆိုတာ ကျင့်သုံးဖို့ အိုမင်းမစွမ်းချိန်၊ စိတ်နွမ်းကိုယ်နွမ်း ရှိချိန်တွင် တစ်ခုတည်းသော အားကိုးရာမှာ မြတ်စွာဘုရားရှင် ဟောကြားတော်မူခဲ့သည့် တရားတော်များအတိုင်း လိုက်နာကျင့်သုံးခြင်းပင် ဖြစ်လေသည်။ ထူးအောင်ဝင့်  

ကျန်းမာပျော်ရွှင်ပါစေ   ကျွန်တော် အောင်မြင်ပျော်ရွှင်ချင်တယ်။ ဘဝမှာ လုပ်ကို လုပ်ရမယ့် အလုပ်တွေ ရှိသေးတယ်။ လုပ်သင့်တာတွေလည်း ရှိတယ်။ နောက်ပြီး လုပ်ချင်တဲ့ အရာတွေလည်း စိတ်ပျော်ကိုယ်ပျော် လုပ်နိုင်ဖို့ လိုသေးတယ်။ အဲဒီအတွက် အရေးကြီးဆုံးဆိုပေမယ့် အရေးမကြီးဘူးထင်ပြီး လစ်လျူရှုမိတဲ့ အရာတစ်ခုရှိတယ်။ အဲဒါ ကျန်းမာရေးပဲ။ ကျွန်တော့် မိတ်ဆွေသူငယ်ချင်းတွေလည်း ကျန်းမာရေးကို ဂရုစိုက်စေချင်ပါတယ်။ ဒီနေ့ကစပြီး ကျန်းမာရေးကောင်းစေမယ့် အပြုအမူတွေကို ရင်းနှီးမြှုပ်နှံမှုတစ်ခုလို သဘောထားပြီး နည်းနည်းချင်း လုပ်သွားစေချင်ပါတယ်။ ဥပမာ - ဆေးလိပ်သောက်တတ်ရင် မဖြတ်နိုင်တောင် တစ်လိပ်လောက် လျှော့သောက်တာမျိုးပေါ့။ (အရက်သောက်တတ်တဲ့ ကျွန်တော့် သူငယ်ချင်းတစ်ယောက်ကတော့ သုံးလလောက် မသောက်ဘဲ အဓိဌာန်ထားတာ ဟိုတစ်နေ့က အောင်မြင်သွားပါတယ်။ အခု ဆက်လုပ်နေပါတယ်။) အောင်မြင်ပျော်ရွှင်နေတဲ့ မိတ်ဆွေတွေ၊ အောင်မြင်ချမ်းသာလာမယ့် သူငယ်ချင်းတွေကို ကျန်းမာရွှင်လန်းစွာ ရှိနေတာကို မြင်ချင်ကြားချင်ပါတယ်။ ကျွန်တော်လည်း ကျန်းမာရေးကို ဂရုစိုက်ပါမယ်။ သူငယ်ချင်း မိတ်ဆွေတို့လည်း ကျန်းမာရေးကို ဂရုစိုက်ပါ။ ကမ္ဘာကြီးပေါ်မှာ ကောင်းမြတ်တာတွေကို လက်ကမ်းမျ

ဗီဇနှင့် ပတ်ဝန်းကျင်(၁)             ကျွန်တော်တို့ ညီအစ်ကိုနှစ်ဦးနှင့် ပတ်သက်ပြီး အမေနှင့် မလေးတို့ မကြာခဏဆိုသလို စကားနိုင်လုလေ့ ရှိကြသည်။ လူတစ်ယောက် ကောင်းကောင်းမွန်မွန် ကြီးပြင်းလာဖို့က ဗီဇကောင်းဖို့လိုသည်၊ မျိုးစေ့မှန်မှ အပင်သန်မည်၊ မျိုးစေ့မမှန်လျှင် ပင်မသန်ဟု မလေးက ခံယူသည်။ အမေကတော့ ထိုသို့မဟုတ်။ ပတ်ဝန်းကျင် သို့မဟုတ် ထိန်းကျောင်းအုပ်ချုပ်သူကောင်းလျှင် အပင်သန်ပြီး လူတစ်လုံး သူတစ်လုံးဖြစ်မည်ဟု ခံယူသည်။ နှစ်ယောက်စလုံး ဘယ်တော့မှ မပြီးနိုင်သော အဖြေပုစ္ဆာတစ်ခုကို အဖြေထုတ်နေကြခြင်း ဖြစ်သည်။ ကမ္ဘာပေါ်တွင်လည်း သည်အတိုင်းပင် အငြင်းအခုန်တွေ ယခင်ကလည်း ရှိနေခဲ့ပြီး ယခုထိလည်း ငြင်းခုန်နေကြဆဲဖြစ်သည်။ ကျွန်တော်ရော ကိုတင်ထွန်းပါ အဖေရော အမေပါ ပညာတတ်မိသားစုတွေက ပေါက်ဖွားလာသူတွေ ဖြစ်သော်လည်း အခြေအနေအရပ်ရပ်အရ မိဘအရင်းနှင့် မနေရဘဲ မွေးစားမိဘများနှင့် နေထိုင်ခဲ့ကြရသည်။ မွေးစားမိဘတွေကိုယ်နှိုက်ကလည်း သားအရင်းတွေလို တုန်နေအောင် ချစ်ခဲ့ကြသည်။ သို့သော် ကြီးပြင်းလာရပုံချင်းကတော့ မတူပါပေ။ ပြီးတော့ ကြီးပြင်းလာခဲ့ရသည့် ပတ်ဝန်းကျင်ချင်းကလည်း မတူပါချေ။ ထို့ပြင် ကြီးပြင်းပုံ ကြီးပြင်းခြင်းကလည်း ကွာခြားနေပြန်သည်

ဆက်ဆံရေးပြေပြစ်ပါစေ   ခင်ဗျားဝန်းကျင်က လူတွေနဲ့ ဆက်ဆံရေး အဆင်ပြေရဲ့လား။ ဘဝဆိုတာ အချိန်ပြည့် နာကျင်နေဖို့ မလိုသလို အမြဲတမ်းစိတ်တိုဒေါသထွက်နေရရင်လည်း နေပျော်တဲ့ဘဝ မဟုတ်တာတော့ သေချာပါတယ်။ အနည်းဆုံးတော့ မိဘဆွေမျိုးတွေနဲ့ အဆင်ပြေနေစေချင်ပါတယ်။ အားလုံးနဲ့ အဆင်ပြေနေတယ်ဆိုရင်တော့ ခင်ဗျားဟာ အောင်မြင်နေသူ တစ်ယောက်ဆိုတာ သတိပြုမိပါစေ။ အားလုံးနဲ့ အဆင်ပြေအောင် နေနေရတယ်ဆိုရင်လည်း ခင်ဗျားရဲ့ လက်ရှိအခြေအနေကို နားလည်နိုင်ပါစေ။ ပျော်ရွှင်ခြင်းဟာ ခင်ဗျားကိုပဲ ဗဟိုပြုတယ်ဆိုပေမယ့် ဆက်ဆံရေးကောင်းတဲ့သူတွေမှာ ပျော်ရွှင်ခြင်းဟာ ကြာကြာနေလေ့ ရှိပါတယ်။   ထူးအောင်ဝင့် (၁၇.၅.၂၀၂၂)

ဘဝတန်ဖိုး                လောကကြီးထဲ ရှင်သန်တဲ့အခါ ကိုယ်က သူ့ကို ရွေးချယ်တာ မဟုတ်ဘဲ ကိုယ့်ကို သူက ရွေးချယ်သွားတဲ့ အခါတွေလည်း ရှိတယ်။ ရယ်စရာလည်း ကြုံရသလို ငိုစရာလည်း ကြုံရနိုင်တာပဲ။ ရယ်စရာရှိရင် ရယ်လိုက်၊ ငိုစရာရှိရင် ငိုလိုက်။ ပြီးရင်တော့ နေ့သစ်တွေမှာ မင်းအတွက်ပဲဖြစ်ဖြစ်၊ အများအတွက်ပဲဖြစ်ဖြစ် ဆက်ရှင်သန်ပါ။ အဲဒါ ဘဝပါပဲ။ အဆုံးသတ်မှာ မီးခိုးတွေ၊ ပြာတွေ၊ ဖုန်မှုန့်တွေ၊ မြေစာတွေ ဆိုပေမယ့် တန်ဖိုးကတော့ ရှင်သန်တုန်းမှာ တခြားသူအတွက် မင်းဘာတွေ လုပ်ပေးခဲ့သလဲ။ အဲဒါ ဘဝတန်ဖိုးပါပဲ။ ခင်ဗျားတို့ ကျွန်တော်တို့ ဘဝလေးတွေကို တန်ဖိုးရှိရှိ၊ အဓိပ္ပါယ်ရှိရှိ ဖြတ်သန်းကြရအောင်လား။   ထူးအောင်ဝင့် (၁၈.၅.၂၀၂၂)

  ဝန်ထမ်းသတ်တာ (Comfort Zone)   ဝန်ထမ်းအများစုဟာ (Comfort Zone) ကို သိပ်နှစ်သက်တာ ပြဿနာ တစ်ခုပါ။ ဟိုးတုန်းက ဝန်ထမ်းကောင်းဆိုရင်၊ လူဟောင်းဆိုရင် အလုပ်ရှင်တွေက ဆွဲထားတယ်။ ဒီနေ့ခေတ်မှာတော့ အလုပ်ရှင်တချို့က ဝန်ထမ်းခသက်သာတဲ့ ဝန်ထမ်းသစ်တွေကို စိတ်ဝင်စားလာတယ်။ သူတို့ကို ကျွမ်းကျင်ဝန်ထမ်းက လက်တွဲခေါ်ခိုင်းရင်း အသုံးပြုလာကြတယ်။ လူဟောင်းတော်တော်များများ လုပ်ငန်းကျွမ်းကျင်ပေမယ့် အဲဒီအလုပ်မှာ နေရာမရတော့ဘူး၊ မပျော်ရွှင်တော့ဘူး။ တချို့လုပ်ငန်းတူ တခြားအလုပ်ကို ပြောင်းသွားတယ်။ တချို့ အခြေအနေအရ ပေလုပ်နေရတယ်။ ဒါဟာ (Comfort Zone) မှာ အနေကြာသွားတဲ့ ဝန်ထမ်းတွေရဲ့ ဒုက္ခပါ။ တကယ်တော့ ဝန်ထမ်းလုပ်ကတည်းက အချိန်ကာလတစ်ခု သတ်မှတ်ပြီး ကိုယ်သွားမယ့် လမ်းကြောင်း၊ ကိုယ်လုပ်ချင်တဲ့ လုပ်ငန်းတစ်ခုကို ဦးတည်ချက်(ပန်းတိုင်) ချထားသင့်ပါတယ်။ အသက်ကြီးတဲ့အထိ ဟိုကိုင်းဒီကိုင်း ကူးနေကြရတဲ့ မျောက်လွှဲကျော်ဘဝကို မနှစ်သက်ချင်ကြပါနဲ့။ ဘာ့ကြောင့်လဲဆိုတော့ ခင်ဗျားနဲ့ ကျွန်တော်တို့က “ ဒီမှာလာပြီး မန်နေဂျာလုပ်ပါ၊ ဟိုကုမ္ပဏီအတွက် အကြံပေးလုပ်ပါ ” ဆိုတဲ့ ဖိတ်ကြားခံ လူတန်းစားထဲမှာ မပါဘူးလေ။   ထူးအောင်ဝင့် (၂၂.၅.၂၀၂၂)

အပေါင်းအသင်း ဝင်ဆံ့ပါစေ   အပေါင်းအသင်းများများ ပေါင်းတာ ကောင်းပါတယ်။ အပေါင်းအသင်းတွေနဲ့ အချိန်ဖြုန်းမနေဖို့ပဲ လိုတာပါ။ တချို့က အပေါင်းအသင်းနည်းတယ်။ ငယ်တုန်းမှာ ပြဿနာ မဟုတ်ပေမယ့် ကြီးတဲ့အခါ အပေါင်းအသင်း မဝင်ဆံ့ဘူး ဖြစ်လာတယ်။ ကလေးဘဝကနေ လူရွယ်ဘဝရောက်တဲ့အခါ ထိုက်သင့်တဲ့အပေါင်းအသင်း ရှိသင့်ပြီ။ မိဘကလည်း ကိုယ့်သားသမီးရဲ့ သူငယ်ချင်းတွေနဲ့ ရင်းရင်းနှီးနှီးဆက်ဆံပြီး လမ်းညွှန်ပေးသင့်တယ်။ အရွယ်ရောက်လာတဲ့အခါ မိဘတွေနဲ့ နေတဲ့အချိန် နည်းပေမယ့် ကျောင်းမှာ၊ သင်တန်းမှာ  သူငယ်ချင်းတွေနဲ့ ရှိနေရတဲ့အချိန်က များလာတယ်။ အပေါင်းအသင်းနည်းတဲ့ ကလေးက သူငယ်ချင်းတွေနဲ့ ဆက်ဆံရတဲ့အခါ အဆင်မပြေဘူး၊ မဝင်ဆံ့ဘူး ဖြစ်လာတယ်။ သူက ဒီအရွယ်မှာတင် ရပ်တန့်သွားမှာ မဟုတ်တဲ့အတွက် လုပ်ငန်းခွင်ဝင်တဲ့အခါ၊ မိသားစုကို ဦးဆောင်ပြီး စီးပွားရှာရတဲ့အခါ အပေါင်းအသင်း မဝင်ဆံ့မှုက အတားအဆီးကြီး တစ်ခု ဖြစ်လာပါပြီ။ စီးပွားရေးတိုးတက်ဖို့၊ ဘဝမှာ အောင်မြင်ဖို့ဆိုရင် မိတ်ဆွေကောင်း များများရှိဖို့လိုပါတယ်။ မိတ်ဆွေကောင်း ရဖို့ဆိုရင် သင်ကိုယ်တိုင်က ကောင်းဖို့လိုသလို မိတ်ဆွေသူငယ်ချင်းကို များများ ပေါင်းဖို့လည်း လိုပါတယ်။ ကိုယ်တိုင်က သူ့အကျိုးစီးပွား မဆော

ကျွန်တော်တို့လင်မယားနှင့် အမေသုံးယောက်             ကျွန်တော့်အသက် ၁၈ နှစ်အထိ အမေ၊ အဖေသည် တစ်စုံတွဲတည်း ရှိခဲ့သည်။ သို့သော် ကံကြမ္မာ အလှည့်အပြောင်းက ကျွန်တော့်ကို နောက်ထပ် အဖေ၊ အမေနှစ်စုံကို ထပ်ပြီးရစေသည်။ စစ်ကျောင်းဆင်းအပြီး မလေးနှင့် လက်ထပ်ခဲ့သဖြင့် မလေးကလည်း သူ့မိဘများအပြင် အဖေ၊ အမေ နောက်ထပ် သုံးစုံ အလိုအလျောက် ရလိုက်သည်။ ကျွန်တော်တို့ မိသားစုသည် အမေရင်း၊ အဖေရင်းကိုလည်း မိဘအဖြစ် အသိအမှတ်ပြုရသည်။ မွေးစား အဖေ၊ အမေကိုလည်း အမေအရင်း၊ အဖေအရင်းအဖြစ် ရှေ့တန်းတင်ရသည်။ ကိုတင်ထွန်း၏ မိဘများကိုလည်း ကျွန်တော်တို့၏ မိဘများအဖြစ်ပါ သဘောထားလိုက်သည်။ ထိုအခါ ကျွန်တော်တို့၏ မိသားစု လေးစုစလုံး ပေါင်းစည်းမိသွားသည်။

အမေနှစ်ယောက် တွေ့ဆုံခြင်း(၂)           အခြေအနေတစ်ခုက ဆက်တိုက်ဆိုသလို ထပ်ပြီးဖြစ်လာသည်။ အမေအရင်း ဒေါ်မြသီက အဲဒီတုန်းက မြန်မာ့ဆိုရှယ်လစ် လမ်းစဉ်ပါတီဝင်၊ ကေဒါ တစ်ယောက်။ မင်္ဂလာဒုံရှိ ဗဟိုနိုင်ငံရေးတက္ကသိုလ်သို့ သင်တန်းလာတက်ရသည်။ အမေဒေါ်မြသီး သင်တန်းလာတက်မှန်း အမေသိသွားသည်။ ဘယ်ကဘယ်ပုံ သိသွားသည်ကတော့ ကျွန်တော်မသိ။ အမေကတော့ အမေဒေါ်မြသီရှိရာ မင်္ဂလာဒုံ ဗဟိုနိုင်ငံရေးတက္ကသိုလ်သို့ အကြောက်အလန့်မရှိ သွားပြီးရန်တွေ့သေးသည်။ သူသွားရာကို မလေးကပင် လိုက်ပို့ပေးရသည်။

ပညာဖြစ်ပါစေ   စာအုပ်တွေ ဖတ်ပြီး လေ့လာတာ ကောင်းတယ်။ လုပ်ငန်းနဲ့ ပတ်သက်တဲ့ သင်တန်းတွေ တက်တာ ပိုကောင်းတယ်။ တတ်သိနားလည်တဲ့ပုဂ္ဂိုလ်တွေဆီက မေးမြန်းသင်ယူတာ အကောင်းဆုံး ဖြစ်ပါတယ်။ ဒါပေမယ့် မပြည့်စုံသေးပါဘူး။ ခင်ဗျား လေ့လာမှတ်သား ထားသမျှတွေဟာ သညာတွေပါ။ အဲဒီ သညာတွေကို လက်တွေ့ဘဝ လုပ်ငန်းခွင်မှာ ဆက်စပ်ပါ၊ ထည့်သွင်းအသုံးချပါ။ (မလိုတာတွေကို ဖယ်ပစ်နိုင်ရင် စာအုပ်ကြီးသမား အဖြစ်က ရှောင်လွှဲနိုင်ပါလိမ့်မယ်)။ ပညာဖြစ်လာပါလိမ့်မယ်။ လုပ်ငန်းတိုးတက် အောင်မြင် လာပါလိမ့်မယ်။ ထူးအောင်ဝင့် (၃.၅.၂၀၂၂)

သက်သေပြဖို့ မကြိုးစားနဲ့           ကျွန်တော်တို့က ကိုယ်ဘယ်လောက်တော်တယ်၊ တတ်တယ်ဆိုတာကို သက်သေပြဖို့ ကြိုးစားနေမိကြတယ်။ တကယ်တော့ ကိုယ်လုပ်နိုင်သမျှ အကောင်းဆုံး(အစွမ်းဆုံး) လုပ်လိုက်ပါ။ လက်ခုပ်သံတွေက ခင်ဗျားသွားမယ့် လမ်းတစ်လျှောက် ရှိနေပြီးသား။ ခင်ဗျားတို့၊ ကျွန်တော်တို့က နားစွင့်နေမိလို့ လက်ခုပ်သံတွေ တိုးသွား၊ ဆိတ်သွားတာပါ။ ထူးအောင်ဝင့် (၂၅.၄.၂၀၂၂)

အမေနှစ်ယောက် တွေ့ဆုံခြင်း(၁)             ကျွန်တော် ကျောင်းသို့ပြန်ရောက်ပြီး သူငယ်ချင်းများနှင့်လည်း တိုင်ပင်၊ ကိုယ့်ဘာသာလည်း ကိုယ်စဉ်းစားရသည်။ မလေးနှင့် ကျွန်တော် လက်မထပ်မီအတွင်း အမေ့ကို အသိပေးရန်လိုသည်။ ထိုအတောအတွင်း အမေကလည်း ဘာသဘောနှင့်မသိ၊ ကျွန်တော့်ဓာတ်ပုံကို နှစ်ကိုယ်ခွဲကာ အိမ်မှာချိတ်ထားသည်။ “ စိုးဝင်း၊ နင်လုပ်နေတာ ငါသိပါတယ် ” ဟု ပြောနေသည့်အလား ခံစားရသည်။ ကျောင်းဆင်းပြီး တာဝန်ကျရာမသွားခင် အိမ်ပြန်တော့ ကျောင်းတွင်လေးနှစ်လောက် ရှိနေစဉ်အတွင်း မလေးနှင့် အပြန်အလှန်ရေးခဲ့သော စာများအပါအဝင် စာများအားလုံးကို အိတ်ကြီးတစ်အိတ်နှင့်ထည့်၍ ရန်ကုန်အိမ်သို့ပြန်သယ်လာခဲ့ပြီး အပြန်ကျတော့ ထားခဲ့သည်။ ထိုအိတ်ထဲတွင် ကျွန်တော့်ထံ မလေးရေးသောစာများအပြင် ကိုတင်ထွန်းထံမှ စာများ၊ အမေဒေါ်မြသီထံမှ စာများလည်း ပါသည်။ ကျွန်တော် တမင်ထားခဲ့တာလည်း ပါပါသည်။ အမေက ကျွန်တော်နှင့်ပတ်သက်ပြီး စိုးရိမ်စိတ်ရှိတတ်သောကြောင့် သူ့ဘာသာသူ စာတွေယူဖတ်ချင်လည်း ဖတ်ပါစေ။ စာဖတ်ရင်းနဲ့ပဲ   ကျွန်တော်တို့အကြောင်းတွေ သိသွားပါစေဆိုပြီး တမင်ထားခဲ့ခြင်း ဖြစ်သည်။

Five short conversations (1) I failed. (ငါ ရှုံးသွားပြီ/ ငါ ရှုံးခဲ့တယ်။) (2) Don’t blame yourself. (မင်းကိုယ်မင်း အပြစ်မတင်ပါနဲ့။) (3) See you tomorrow. (မနက်ဖြန် တွေ့မယ်လေ။) (4) I crush on you. (ကိုယ်တော့ မင်းကို ကြွေနေပြီ။) (5) Are you out of your mind. (မင်း စိတ်မှန်သေးရဲ့လား။)