အမှန်တရားကို မသိသေးခင်
အမှန်တရားကို မသိသေးခင်
မီးရထားပြတင်းပေါက်က မြင်နေရတဲ့ မြင်ကွင်းတွေကိုကြည့်ပြီး
အသက်(၂၄)အရွယ်ကောင်လေးက သူ့အဖေကို ဝမ်းသာအားရသံနဲ့ ပြောလိုက်တယ်။
“ ဖေဖေ ကြည့်ပါဦးဗျ၊ သစ်ပင်တွေအားလုံး
နောက်မှာကျန်ခဲ့ပြီ ”
ဖခင်ဖြစ်သူက ပြုံးနေတယ်။ အနားမှာထိုင်နေတဲ့ လူငယ်စုံတွဲကတော့ (၂၄)နှစ်အရွယ်ကောင်ကလေးရဲ့အပြုအမူကို သနားဟန်နဲ့ ကြည့်နေစဉ်မှာပဲ ထိုကောင်လေးက ရုတ်တရက် ထပ်အော်လိုက်ပြန်တယ်။
“ ဖေကြီး၊ ကြည့်ပါဦး တိမ်တွေက သားတို့နဲ့အတူ
ပြေးလိုက်နေသလိုပဲဗျ ”
စုံတွဲက ဆက်သီးမခံနိုင်တော့သဖြင့် အဖိုးကြီးကို
ပြောလိုက်သည်။
“ ခင်ဗျားသားကို ဆရာဝန်ကောင်းကောင်းနဲ့ ဘာလို့
မပြတာလဲဗျ ”
အဖိုးကြီးက ပြုံး၍ပြောလိုက်သည်။
“ တို့သားအဖ အခုပဲ ဆေးရုံက ဆင်းလာတာကွ၊ သူက
မွေးကတည်းက မျက်စိအလင်းမရတာလေ၊ ဒီနေ့တော့ သူလောကကြီးကို စတွေ့တဲ့နေ့ပဲ ”
လူတိုင်းမှာ ပုံပြင်တစ်ပုဒ်စီတော့ ရှိကြတာပါပဲ။
အမှန်ကိုမသိသေးခင် ဘာဆုံးဖြတ်ချက်၊ ထင်မြင်ချက်မှ ပေးမနေပါနဲ့။ အမှန်တရားက မင်းကို
ပါးစပ်ဟောင်းလောင်း ဖြစ်သွားစေနိုင်ပါတယ်။ ထပ်ပြောပါမယ်။
“ The truth might
surprise you.”
(PS: တော်တော်များများ
ဖတ်ဖူးပြီးသား ပုံပြင်လေးတစ်ပုဒ်ပါပဲ။ ကျွန်တော် သင့်တော်သလို ဘာသာပြန်ထားပါတယ်။)
ထူးအောင်ဝင့်
(22.11.2021 11:03 PM)
Comments
Post a Comment